104 —
die sult ir versuchen lan,
ob sie solich craft hau,
als uch min her geschriben hat,
so wert yr gewar vf der stat
alles das uch der prieff seit,
das das ist ein warheit.
Der keiser selber den briff las,
wann er wol geleret was;
ygclichs läse er besunder,
yne nam des vil wunder,
wie nur vf der erden
solh herschaft mocht werden.
die cleinat er alle glich
selb versucht tawgenlich;
do er an yne allen sampt
die ganczen warheit erfant,
do glaupt er dester pas
das an dem buch geschriben was.
Der keiser sant all zu hant
prieff in alle cristen lant,
beid nahent vnd verren,
allen fürsten vnd herren
vnd manigem riehen bischoff,
er wolt haben einen grofsen hoff
zu Ach in der stat,
dar zu er sy körnen bat
vnd lued sie alle glich,
wan er wolt gar reichlich
grozz ritterschaft da tun
vnd wolt krönen sin sun
zu romsch rieh
mit der fürsten rat glich,
das er des riches plegar
in allen dutschen landen war:
so wolt er aber so mit her
vf die beiden vber mer.
Er sant auch besunderlich
sin brif dem konig von Frankrich;
das er zu syme hof kam,
vnd gros wunder da vernam,
vnd alle sin truwe gedacht,
vnd die durnein krön bracht
mit sampt ym an der vart,
die got in sein haupt gedruckt wart.
Dar nach der romsch vogt
richlich gegen Ach zogt,
die fürsten vnd die herren rieh
zogten alle tag teglich,
peide spat vnd fru
mit grofser herschaft zu.
do si waren körnen al
mit reicheit vnd mit grofsem schal,
der keiser vf ein hoch trat,
den brief er [von im] zu lesen pat,
den ym prister Johan da
gesent het von India.
er hies yns lesen alles gar;
do der schriber kam aldar,
das er solt lesen von dem stein,
vnd des edelheit allein,
von der (man) vnsichtig ist
pis die zyt als lang vrist
er ist verporgen in blofser hant,
der keiser winckett ym zu hant
vnd hies yne verdagen,
wann er wolt is nymant sagen.
den andern cleinad er yn gar
zeugt, vnd versucht sy offenbar,
den rock von Salamander tewr
warff er vor yne yn ein fewr,
der möcht mit nicht vorprinnen,
er ward nur new vnd licht dar innen.
er gab den fürsten alle sampt
des pruns zu trincken alle zu hant,
yedoch der keiser das vermaid,
das er sin tugent nicht gar said.
das (1. do) sie die warheit sahen,
gemeinigkleich (sie) des jähen,