29

DER  WINSBEKE
77  Ich  tuon  hie  mine  bihte  dir,
als  ein  sündaere  sol  unt  muoz.
erzeige  dine  helfe  mir
so  daz  mir  werde  sünden  buoz
5  die  wile  ich  hant  mac  oder  fuoz
gerüeren.  des  wil  ich  dich  biten,
magt  unde  muoter,  durch  den  gruoz
den  dir  von  gote  der  engel  sprach,
ze  dinem  kinde  sprich  min  wort:
din  helfe  ie  starken  kumber  brach.
78  Ich  hän  der  werlte  mich  begeben
und  sol  nu  als  ein  sündic  man
in  riuwen  unde  in  buoze  leben,
we  daz  ich  ie  den  muot  gewan
5  der  wider  dich  iht  hat  getan!
daz  riuwet  mich  und  ist  mir  leit.
nu  la  mich  dine  hulde  hän
nach  bezzerunge,  herre  got.
genaedeclichen  über  mich
erge  din  wille  und  din  gebot.
79  Sit  wir  nach  dir  gebildet  sin
und  ouch  sin  kristen  und  du  Krist,
s6  schirme  uns  vor  der  helle  pin
und  gip  uns  hie  so  lange  vrist
5  daz  uns  iht  vähe  des  tiuvels  list  5
da  behüete,  süezer  gnanne,  uns  vor,
wan  er  uns  alze  vaerec  ist.
är  an  uns  dine  goteheit
und  dine  hohe  namen  dri,
die  himele  und  erde  sint  ze  breit.