Ein  wiplich  wip  mit  zühten  sprach
zir  tohter,  der  si  schone  phlac,
c  wol  mich  daz  ich  dich  ie  gesach;
gehoehet  si  der  süeze  tac
5  da  din  gebürt  von  erste  an  lac,
sit  ich  mit  ganzer  warheit  wol
mit  wiser  volge  sprechen  mac,
din  anblic  si  ein  meien  zit.
got  suln  wir  iemer  hohe  loben
der  also  riche  gäbe  git.’
2  Des  volge  ich,  liebiu  muoter,  dir;
ich  lobe  in  als  ich  beste  kan.
er  sol  der  sinne  helfen  mir
daz  ich  in  sehe  mit  vorhten  an.
5  durch  sine  tugende  ich  in  des  man.
ich  sol  nach  sinen  hulden  leben,
ob  ich  mir  selber  eren  gan.
vater  unde  muoter  suln  diu  kint
wol  eren;  daz  hat  er  geboten:
wol  in  die  des  gehorsam  sint/

3